Ođđa sámediggelága ja Sámedikki válgabaji 1.9.2024-31.12.2027 ávvudoalut dollojit Sámekulturguovddáš Sajosis bearjadaga guovvamánu 6. beaivve 2026 dii. 11. rájes. Dilálašvuođa lea vejolaš čuovvut maiddái gáiddusin njuolggosáddaga bokte.
Sámediggi bovde buohkaid, geat leat beroštuvvan, oassálastit dilálašvuhtii báikki alde dahje gáiddusin. Dilálašvuhtii oassálastin báikki alde eaktuda ovddalgihtii dieđiheami ja dieđihanáigi nohká 23.1.2026. Dilálašvuhtii ordnejuvvo maiddái sáhttu Heahtás, Čeavetjávrris, Ohcejogas, Avvilis ja Vuohčus. Sáhtát dieđihit iežat sáhttui maiddái liŋkka bokte. Amma vuhtiiválddát, ahte báikkiid mearri lea rájálaš,de dieđihivččetgo iežat mielde nu jođánitgo vejolaš vai sihkkarasttát oassálastimat.
Ávvobeaivvi áigge vuodjut ođastuvvon sámediggelága mearkkašupmái ja válgabaji mihttomeriide. Beaivvi áigge gullat sáhkavuoruid ja musihkkaovdanbuktimiid miehtá Sámeeatnama. Válgabaji ávvudeapmái báikki ala leat bovdejuvvon sámeservoša lahtut, sámeservodaga váikkuheaddjit, Suoma stáhta ja sierra ovttasbargooassebeliid ovddasteaddjit, ja maid Norgga ja Ruoŧa Sámedikkiid presideanttat.
Maŋŋelabbos seamma beaivve prográmmas lea Ulla Pirttijärvi ja Ulda -musihkkajoavkku konsearta Sámekulturguovddáš Sajosis. Dát konsearta lea buohkaide rabas ja nuvttá.
Ávvudeami dárkilut prográmma almmustahtto Sámedikki neahttasiidduin čujuhusas www.samediggi.fi
Ávvudeami beassá čuovvut njuolggossáttan čujuhusas www.sajos.fi/live