Laapi kuávluhaldâttâhvirgádâh/AVI

Säämi kulttuurkuávdáš Saijoos tiilijn láá Laapi kuávluhaldâttâhvirgáduv  AVI čuovviittâstooimâ pajetärhisteijee toimâtileh. Čuovviittâstooimâ pajetärhisteijee pargoid Laapi kuávluhaldâttuv toimâsyergist kuleh el. sämikielâlâš máttááttâs já sämikuávlu vuáđuškoovlâ já luvâttuv uáppei vuoigâdvuođâtorvoääših. 

Máttááttâstooimâ pajetärhisteijee pargon lii: 
- Sämikielâ já sämikielâlii máttááttâs ovdedem 
- Sämikuávlu kieldâi máttááttâs ovdedem, stivrim, čuávvum já árvuštâllâm 
- Uáppei vuoigâdvuođâtorvo
- Máttáátteijei tievâsmittemškovliittâs 
- Aalmugijkoskâsâš oovtâstpargo
- Sämikielâlii máttááttâs staatâuásih

Sämikuávlust sämikielâ puáhtá leđe máttááttâskielân teikâ tuše oppâamnâsin. Sämikielâ puáhtá máttááttâllâđ meid rijjâtátulâš oppâamnâsin, kuás uáppee okkosâš oppâmeeri lassaan. Luvâttuvvâst sämikielâ puáhtá máttááttâllâđ eenikielân já/teikâ valjimiävtulâš kielân. Vuáđuškoovlâst já luvâttuvvâst uáppee kielâohjelm meriduvvoo kieldâ nanodem kielâohjelm mield. (Käldee: Laapi Avi)

Laapi kuávluhaldâttâhvirgáduvvâst sämikielâlijd já sämikielâ máttááttâs kyeskee aašijd hoittá máttááttâstooimâ pajetärhisteijee Kari Torikka, puh. 0400-188 472. 

Luuvâ lase Laapi kuávluhaldâttâhvirgáduvvâst .