Duodji Shop

Sámi Duodji, Suomâ sämityejiseervi omâstem Duodji Shop ožžui käävpi- já toimâttâhtiilijd sämikulttuurkuávdáá Sajosist. Sámi Duodji lii kuávdáá vuossâmuu keerdist, váldu-uuvsâ paaldâst, nuuvt et káávpán lii älkkee puáttiđ. Sämmilâš tyejeh láá mudoi-uv áárvust kulttuurkuávdáást, tastko Sámi Duodji tuojijd lii ennuv uäinimnáál aula lasâskappijn.  

Sámi Duodji ry lii 30 ihheed puáris servi já tast láá suulân 300 jesânid. Sámi Duodji parga meid čuovviittâspargo nuorâiguin já párnáiguin. Sámi Duodji käävpist vuábdojeh puigâ sämityejeh, kirjeh, muusik sehe kietâtyejitarbâšeh. Duodji Shop toimâttâsjođetteijen tuáimá Aune Musta.   Lasetiäđuh Sámi Duodjist.

DUODJI SHOP, Sajos, 99870 AANAAR num. 040 515 9755 shop@samiduodji.com  áávus vu-vá 10-17, lá-pa kiddâ