Kähviviäsu Čaiju

Sämikulttuurkuávdáá teivâmsaje lii makkuus kähviviäsu Čaiju, mii lii finnim noomâs nuorttâlâškielâ säänist, mii meerhâš teejâ. Kähviviäsu Čaijust lii piäiválávt fáállun kvaliteetlii luánákäähvi, maaŋgâpiälásii luánátejâfalâlduv, njaalgâ jiešrahtum liäibumušâid sehe ruáviskááhuid. Čaijust kaavnâh meid FOODIN heerškuid ruávisuklaasta lakrâstaatelijn. Čaiju nisukäähvih-uv láá jo tuávádâh!

Čaiju lii ávus vu-vá tme 09:00-16:00. Vuossaargâst tuorâstâhân Čaijust lii lieggâ peivimäälis tâi mälipeivimäälis sehe valjaas saalaatbuffet tme 11:00-14:30. Vástupeeivij valjaas saalaatbuffet. Keejâ purrâmušlisto https://www.facebook.com/kahvilacaiju/ teikâ https://www.instagram.com/cafecaiju/

Fáállun láá ennuv muulsâiävtuh ornimnáál tilálâšvuođâ mield, menu vuávájuvvoo tilálâšvuođâ luándu mield já heiviittuvvoo västidiđ äššigâs tuoivuid. Mij anneep áárvust luándu, te sesongij čuávvum, páihálâšvuotâ já luándu-ustevliih valjiimeh láá mii kievkkân vuolgâsaijeen.  Mij väldip ain pivdem mield huámmášumán meid sierânâspurrâmušvááljuid.

Falâdem puáhtá olášuttiđ raavvâdviäsust, čuákkimtiilijn tâi Saijoos aulast. Kähviviäsu tiilijn puáhtá orniđ meid heejâid, eres peerâjuuhlijd sehe eehidtuáluid. Pivde falâdem ehidâsmálásijn, juhletilálâšvuođâin, heejâin, šoddâmpeivijuuhlijn!

Kähviviäsu Čaiju lii ávus argâpeeivij, vuossaargâst vástuppiäiván tme 9-16, kiddâ lá-pa. raavvâdviäsu lii ávus konsertij já ovdil tábáhtusâid ehidist já oholoopâi äigin.  

 

Raavvâdviäsust láá 50 äššigâssaijeed. Tilálâšvuođâin purâdemtiilijn puáhtá kevttiđ meid raavvâdviäsu paaldâst orroo maaŋgâtoimâsali sehe sämikulttuurkuávdáá eres čuákkimtiilijd.

TIERVÂPUÁTTIM JÁ PYERI PUURRÂMLUSTO!